السينما من الممكن ان تكون.. "ملهمه"
ومن الممكن ان تكون عنصر تغيير ..
من الممكن ان تتسائل ..
من الممكن ان تؤثر ..سواء باختيارات بشكل مباشر او غير مباشر.. سواء بالايجاب او السلب..
لكن الشي الاكيد انها ارتقاء
بالحس..والخيال
واستشعار مذاق..وتجارب تتعدى حدود المنطق لنا
السينما وحدها ..تمكنك بكل جوارحك..ان تعانق الاحلام
السينما لاتتعب..لاتكل ولا تمل..
مدارس الادب عبر مر العصور..باختلافهم واختلافاتهم
مدارس الادب عبر مر العصور..باختلافهم واختلافاتهم
جميع معسكرات الادب ..قصيده روايه مسرح .. رقص غناء ..اي شي فيه "ابداع" بشري
الكل بالكل
السينما تضمهم داخل "علبه" واحده....
السينما
(سيد الفنون)
....
الاحلام السينمائيه
احلام "فاخره"
لنحلم ..
بسينما
"كويتيه"
هناك 13 تعليقًا:
http://news.bbc.co.uk/2/hi/middle_east/7782422.stm
خوش سؤال موجه لبوش خلال المؤتمر الصحفي:)
ترى وايد احلامك صعبة
بس شفت رد بوش شنو قال
اظن مقاس الجوتي عشرة
شورانا:)
.....
اتخيل بوش اول ماطرا عليه
اوباما ..شيفكه منه
ماقزرت على بوش
هذي اخرتها
قندره:)
يله .. على ايدك .. :)
انا متبرع العب دور البطولة .. :)
اذا فيها مشاعل الزنكوي
مابي احلم بسينما كويتيه
:\\
مطعم باكه
..
بطوله..وتتبرع !!
شالايثار هذا :)
..
شرايك بدور بشار بن برد..؟:)
ZooZ ZaibG
...
معلش بس هذا
كابوس مو حلم :)
..
شباب كول والاعمال اللي شابهتها
تعتبر كذبه وصدقها اصحابها
مع تقديري لجهودهم
...
السعوديه مافيها ولا دار عرض سنمائيه
اصنعو عدد اثنين فلم..وتم تسويقهم على الطريقه المثاليه لاي فلم
..
هيئة ابوظبي للثقافه ..
تتوعد لاقتحام السينما ..وستقتحم
...
قطر في طريقها لانشاء مهرجان عالمي للسينما
...
شقاصرنا احنا ؟؟
في حياة الشعوب
لما تزدهر البلد
تطلع ابداعات ابنائها
تبي ابداع على هالحال
ماراح نشوف الا الكابوس اياه
:\
أقوللك شي
خلنا نحلم بكويت كويتية
بعدها راح نحقق سينما كويتية
قبل فترة كنت افكر فيها !؟
شنو ينقصنا عشان يصير عندنا سينما مثل الناس ؟؟
ناقصنا مفكرين ؟ ناقصنا ممثلين ؟؟ ناقصنا شركات انتاج ؟
ياخي اقل ما فيها شوف وضع الديرة وصوره راح يطلع معاك أحلا فلم
ZooZ ZaibG
..
لايوجد خير الا ان وجد شر
ولانميز البياض الا من السواد
انا .. متفائل :)
BeeDoO
..
التفائل والامل لايكتسب
انما من ينبع من داخل الشخص نفسه
من داخل روحه
تفائل ياعزيزي تفاائل ومثل ماعنونت مدونتك بعبارتك الرائعه
" لو اطلعتم على الغيب لاخترتم..الواقع"
العائق الكبير: الرقابة السينمائية،
ليش أتعب حالي وأفسفس فلوسي وآخرتها الرقابة العمياء بتقطع نص الفلم؟
ولا صدقت، شنو اللي ناقصنا؟
تحياتي
:)
mate
..
ياهلا فيك
العائق الكبير الرقابه..؟؟
ليش نخلي الرقابه شماعه ..!؟
طيب لو حكمنا ان الرقابه اهي المشكله الرئيسيه ..طيب
كم عدد المسلسلات وعدد المسرحيات ..اللي سمحت لها الرقابه .؟؟
اعداد بالهبل ..
ومن الممكن بعد الاحتيال على الرقابه .. اعمل الفكره اللي ابيها بس بشكل رمزي ..وهذا من اختصاص السينما
السينما ليست سرد .. ورغي
انما هي مشاهد .. وقفشات
لقطه سنمائيه واحده تعادل حلقه كامله بمسلسل .. من خلال وصول الفكره
ايضا هناك افكار ومواضيع بالجمله
الرقابه بكل تاكيد راح ترحب فيها
..
إرسال تعليق